كندورة مخصرة للشباب

كندورة مخصرة.. للشباب
موضة عجيبة.. يحليلهم عايشين زمن "هيل يا مالي"

لقد بات الأمر فاضحا واستشرى بين شبابنا فرأيت ان انقل اليكم كلاما كتبته مريم القبيسي وتقول على لسانها :

مازلت مستغربة من موضة كنادير الرياييل: الشباب عندهم كندورة الطربال الثقيلة اللي تخرخش، والشواب كندورتهم خفيفة وايد لدرجة إن خطوط الوزار تبين بشكل مبالغ فيه، وهناك الكندورة المخصرة التي تشبه فساتين البنات الصغار، وهي طبعاً حالة خاصة، يعني تلاقون الكندورة واقفة، ومخصرة بعد، يعني دلع بشكل رجولي بحت.
أعتقد إنه لبس الريال يكون جدا بسيط مقارنة بالمرأة اللي تحب تبرز نفسها، لكن للأسف هذي هي الموضة اللي وصلت لشبابنا، "قدوة" الأجيال القادمة. وآخر حالة دلوعة شفتها اليوم هي في العيادة القريبة من بيتنا، كنت نازلة من السيارة وإلا أشوف واحد يمر من جدامي وهو لابس غترة وعقال ويا هذي الكندورة البيضا الضيقة عند الخصر واللي حتى إنها أضيق من قميصي اللي تحت عباتي الواسعة، ومقارنة به حسيت عمري لابسة خيمة عرس كبيرة، انصدمت لدرجة إني ضحكت ولفت انتباهه.. وفي ذيج اللحظة طالعني وعلى باله إني أضحك له أو عليه، ما يهم، بس المهم إنه نظرته كان فيها غرور ويا شوية محاولة لإظهارالعصبية الزايفة.
السؤال هني: ليش يلبسون هذي الكندورة المخصرة؟ وكان الجواب من واحد منهم: يا ربي يا البنات، ليش بس انتوا اللي عندكم موضة؟ فضحكت ورديت أفهمه السؤال فقال لي بوقاحة: بكيفنا بنلبس اللي نلبسه، شو مشكلتج أنتي؟ فكينا من هاي السالفة، يعني بالعربي ما يخصج ولا طبعاً عطاني الجواب اللي أباه واللي الكل ينتظرونه مني!
وما زالت حالة الاستغراب تراودني مثل الجني في ليلة شتوية، ما أدري شو يخصه في الموضوع، المهم،أاتمنى الردود يا الغالين منكم، وخصوصاً من فئة الشباب اللي يلبسون هذي الموضة العجيبة، أو اللي يحليلهم عايشين في زمن "هيل يا مالي

الصراحة عني احس انه كل شي طلعوا فيه قالوا موضه.. يعثر ذيك الموضه. هع هع..
اوكي نتبع الموضه بس في اشيا تحشمنا كعرب..
بصرآحة آنا ما شفت أحد لابسها و لا شفت صورتها,,

مع اني يوم سمعت بهالظاهرة كنت قبل بيومين طالعة دبي و ماشفت شي.. هع هع

بس اريد اشوفها.. شكلي بقول للوالد نسير مول الامارات.. هع هع

انتظر آرآئكم في هالسالفة..

منقووول..^^

عنــي مـاآ شفت هالموضـة وان شـاآء الله مـاآ اشوفهـاآ

الموضـة فيهـاآ الحلـو وفيهـاآ الشيـن والمفروض نـاآخذ منهـاآ اللـي يتنـاآسب مع عـاآدآتنــاآ وتقـاآليدنـاآ وشخصيتنــاآ

واترك لـآصحـاآب الكندورة المخصـرة الـرد ع السـؤآآل

تسلميــن فديتـــج

ربــي يعطيــج العــاآفية

صدقتي..،

الله يسلمج..

مشكورة ع المروور..

» صور م س ن للشباب
» ازياء صيف 2009 للشباب
» مسابح حلوة للشباب
» ازيــــــاء نـــــايس للشباب
» ستايلات كول للشباب الكول