السلام عليكم ورحمه الله وبركاته
هذه الابيات بقلم العضوة المبدعه لمحه شجن وهي خطت بقلمها ابيات بلسانها ثم بلسانه هو
تفضلوا
هذي بلسان حالها هي
ياهاجِـر القلب الذي ضمّك بأحضـانه تعــال
ودّي تسامر ليلتـي .. ملّيـت من جـور السنيــن
شفني ســريـت بـ حيـرتي .. أسـامــر همـوم الجـبــال
حتى الجـبــال همـومهـا فــاضــــت ويملاها الحنيــن
ملّيت أقــــول اني جفيــت .../ والحـب فيني لايَـزَال
ملّيت أقــــول اني نسيــت ... / والشوق فيني له ونيـن
هـمّـي تزايد .. والدّمِع قطّـر على خدّي و ســال
والجَـرح ساكن خافقـي .. شفني ترى حالي حزيــن
كِـل من يناظـر دمعتي يرسم على وجهه ســؤال !!!
وش فيها مـاليها الحزن ، ليه الأَلَم فيها دفيــن ؟!!
حتى الطِــفـل ياهاجري ميّل على أمــه وقــــال :
[ياماما يمكن عِينَها فيها وجع .. شـوفيـهـا زين!]
كِـل الأوادم يـا 'بــــدر' حنّت على حــالـي العضــال
إلا انت عنّي ماسَأَلْت !..! وش فيه قلبك مايليــن ؟!!
وهذة الابيات بلسان حاله هو
وش فيه قلبك مايلين!! من جِدّك انتِ ذا سـؤال ؟
لو كــان غيرك قــالها .. وطّيـت قَدْره بكلمتيـن
لكـن بســـامح زلّـتــك .. لأن قَــدْرك لايـــزال
ســاكن عــروقـي كلّــها ماظـنّـــي انــك تجهليـن
طفلة تســابق ظلّها .. تِصْرَخ تنــادي لي ''
تعـالـي انتِ وارحمي قلبٍ دُواهـ إنّــك تـجـيـن
تعـالـي انتِ واتركـي عَـنْــك التـغـلّـي والـدلال
والله ماقبلك أحد .. أعطيته اللي تـاخذيـن
زَرَعتك بداخــل حشـاي .. أسقيتِك العذب الزلال
أَرْويت قلبك من هــواي .. أعطيك لو مـاتطلبيـن
يابنت .. لو عنّك بعدْت ، مايَعني إن القلب مـال
ليه بسهولة 'تنثري' كل ماجمعنـاه بسنيــن !!
شوفي ملامِح 'عاشقك' أضناهـ شوقه للوصـال
يطمَح يداعب مَبْسمِـك .. يعزِف على هالوجنتيـن
ودّهـ يسـامر ليلتك .. مايتركـك لَـو بَـه مجــال
ودّهـ يترجم لك غلاك .. ودّهـ يبــادلك الحنيــن
يا|وردة القلب| الذي ضمّك بأحضانه وقال:
[صدري ملاذِك والوطن] ../ كيف بغرامه تشككيــن !!
هي كلمة وحدهـ يا|[شَجَنْ بقولها وانهي الجِــدال
حُـبـك' وقـود لدنيتي .. من دونك أفنى ، تفهميـن ؟!
أحدث الصور 
التسجيل 
البوابه 
السبت أغسطس 01, 2009 2:09 pm
